Clanwilliam Wildflower Show

Blomskou 2021!

Vanjaar vier ons blomtyd in die hoofstraat! Clanwilliam Veldblommevereniging het ongelukkig Maandagoggend tydens 'n bestuursvergadering besluit om weens Covid nié hierdie jaar binne-in die Blomkerk blomskou te hou nie. Die besluit is geneem om nie die bouers van die skou of blommekykers se gesondheid weens Covid in gevaar te stel nie. Die Clanwilliam Veldblomfees gaan wel volstoom voort in die hoofstraat van ons dorp. Optredes deur plaaslike dansers, orkeste en kunstenaars, kosstalletjies en die versiering van die hoofstraat is op die kaarte. "Dit was nogal 'n emosionele besluit om die blomskou af te stel, want baie lede was in twee geskeur: aan die een kant bring die skou altyd hoop, 'n gevoel van samehorigheid en 'n feestelike atmosfeer in die dorp," het Ilse Saaiman, voorsitter van Clanwilliam Veldblomvereniging, gesê. Ander lede het gewaarsku dat dit lewensgevaarlik kan wees vir die vrywilligers wat skou bou en vir die blomkykers wat die skou bywoon. Tog, die veld blom reeds, besprekings stroom in en dis tyd dat die mense van die dorp ook blom. Juis daarom is tydens die vergadering besluit dat lede van die Veldblommevereniging betrokke sal raak by die Veldblomfees wat vanaf 27 Augustus tot 5 September in die hoofstraat sal plaasvind. 'n Projek wat ook onder die vaandel van die Veldblomfees aangepak gaan word, is die vullisverwydering by die ingang van die dorp oorkant Khayelitsha. "Don't waste your crisis. Dis in die gees van ons tyd om saam te werk soos nog nooit vantevore nie en die tyd is reg daarvoor. Die hele Suid-Afrika het stories van hoop nodig en Clanwilliam het al die elemente wat nodig is om die fees 'n dawerende sukses te maak," het Jan Oosthuizen, sameroeper van die Veldblomfees, tydens die vergadering gesê. Ramskop Natuurtuin blom reeds haarself uit haar nate uit, nadat 'n groep vrywilligers, in samewerking met die Munisipaliteit, baie ure daar spandeer het. Raak betrokke, dis tyd vir jóú om te blom! Buite, in die opelug, waar dit veilig is. Meer inligting en kontakbesonderhede: www.clanwilliamwildflowershow.co.za | info@clanwilliamwildflowershow.co.za | 067 088 6969| 027 482 2024.

Flower Show 2021!

This year we will celebrate the wildflowers in the veld, in the Cederberg mountains and in the Main Street of Clanwilliam. Unfortunately, the Clanwilliam Wildflower Show in the Flower Church had to be cancelled due to Covid-19, but the Clanwilliam Wildflower Festival will still take place from 27th August until 5th September: outside, in the open air where it is safe for everybody. Riel dancers will perform, the street will be decorated with flowers and foodstalls will sell local food. In terms of Covid-19 regulations, no crowds will be gathered in any one place at one time. Visitors moving around safely and appropriately is acceptable. More info and contact details: www.clanwilliamwildflowershow.co.za | info@clanwilliamwildflowershow.co.za | 067 088 6969| 027 482 2024.