Clanwilliam Wildflower Show

Kom rinkink saam tussen die veldblomme!

Die blommense van Clanwilliam nooi julle vriendelik uit om te kom rinkink tussen die veldblomme in die Blomkerk tydens die Clanwilliam Veldblomskou van 23 Augustus tot 1 September. Die jaarlikse viering van inheemse blomme en plante in al sy gedaantes se tema is vanjaar "Harmonie". Die fokus val dus vanjaar op die wisselwerking tussen vooruitgang van die landboubedryf en natuurbewaring. Die klipharde werklikheid van klimaatsverandering kan nie bloot weggewens word nie en die blommense van Clanwilliam is deeglik bewus van die verantwoordelikheid om te herstel en te bewaar. Juis daarom is dit so belangrik om die blomme te vier en om hulle nooit as vanselfsprekend te aanvaar nie. Die blomskou word geskep deur ’n span vrywilligers uit die gemeenskap wat van die grootste aalwyn tot die kleinste handjie in die mensgemaakte landskap “plant”. Tussen 350 en 400 spesies kan ook van naderby bekyk word in die spesiekamer. Die interessante noemname van die veldblomme en -plante, soos sieketroos, seepbos, oupa-en-sy-pyp en bobbejaantjies, sorg gewoonlik vir groot vermaak van blomkykers. Clanwilliam Veldblomskou se deure sal oop wees daagliks van 08:30 tot 18:00 en toegang beloop R50 per volwassene en R10 per skoolgaande kind. Groepe van meer as 10 persone kwalifiseer vir 'n groep-afslag. Meer inligting en kontakbesonderhede: www.clanwilliamwildflowershow.co.za | info@clanwilliamwildflowershow.co.za | 067 088 6969| 027 482 2024.

Frolic in the Flowers!

To all wildflower enthusiasts - Clanwilliam cordially invites you to frolic in the flowers and view our Blomkerk displaying the annual Wildflower Show from 23 August until 1 September. Harmony is this year’s theme. The focus this year is the balance between agricultural expansion and conservation. The stark reality of climate change cannot be ignored. The Clanwilliam flower community is acutely aware of the responsibility to repair and conserve. This is exactly why we should celebrate our natural wonder and never take it for granted. The flower show is a landscape creation by community volunteers displaying the largest Aloe to the smallest Cyanella alba (handjie). The specie room boasts 350-400 species for individual viewing. The colloquial names of these flowers provide an amusing dimension to the wildflower experience. The show is open from 8:30-18:00. Entrance is R50 adults and R10 for scholars. Groups of more than 10 people qualify for a group discount. More info and contact details: www.clanwilliamwildflowershow.co.za | info@clanwilliamwildflowershow.co.za | 067 088 6969| 027 482 2024.